相信大家一定聽過無論任何比賽/運動之前做一定嘅熱身動作同輕度嘅有氧運動有助提升比賽/運動表現。
其實有氧運動的能力對於提升肌力的訓練好有幫助。例如槓鈴訓練時，把槓鈴舉起組與組之間都會有休息時間，當每組休息的時候，體內的有氧代謝就會產生，透過有氧代謝有助身體舒緩及恢復上一組訓練的疲勞，同埋有助係下一組再度發揮肌力。如果你有氧能力較好相對有氧代謝表現都會好，因此有氧運動對運動表現有幫助及關連。
就例如一啲具爆發性性質嘅運動（衝刺、投擲、短跑、健力...）需要重複做爆發力嘅動作，因此對有氧能力有一定嘅需求，有氧能力較好嘅選手除咗可以有良好運動表現外，對於日常訓練會更有精神氣力，減少出現好快喘晒氣或者覺得自己抖唔夠嘅情況出現。
自覺有氧能力較差嘅人，可以喺訓練中兩組間的間隔採用跳繩等運動避免令心跳低於120以下，如果擔心咁樣做會阻礙集中訓練肌力嘅人，可以選擇係訓練後做15～30分鐘左右嘅有氧運動。有氧嘅運動有好多種，大家可以揀一種有興趣嘅有氧運動去建立做有氧嘅習慣，從而去訓練有氧能力加上對提升肌力好有幫助！
圖/文 ：Hugo
#kofgym #strength #肌肉 #力量 #跳舞 #健身室 #有氧運動 #提升肌力 #有氧代謝 #gymhk #hkgym
Search